إبداعـات أدبيـة..
زجــل
يا بلادي عليك نادي
توفيـق بوزيـان
ضيعنا شلا وقات في قيل وقال
بلادي مجروحة
تفشى الظلم/ ضاع المال
الفاهم يفهم
والقضية مشروحة
يابلادي سقيتك بما المحبة
ونتسنى عراشك تطوال
نلقى راس الخيط ونفك الكبة
نخيط همك ونفرح بيك
تفك وحايل السؤال
يبان ضوك وتغرب شمس المحال
بلادي مرايتي مازال ماشفت
وجهي فيك
يوم تصفى مرايتي
تزيان حالتي
وتولي بلادي وردة
ياالشوك الدامي
انا لازم نعيش أيامي
ومايبقى في قلبي غدة
ناضل من اجلك ومانخاف من
ظلامي
واخا يحرفو كلامي
الحق لازم يبان ليوم أو غذا
2013
0 التعليقات:
إرسال تعليق